Ноябрь ае башлануга халкыбызның дус-тату яшәвен дәлилләүче Халыклар бердәмлеге көне бәйрәм ителә. Нәкъ менә бердәмлек, татулык күп кенә авырлыкларны җиңеп чыгарга, дошманнарга каршы торырга ярдәм иткән, илебезнең тынычлыгына, мөстәкыйльлегенә китергән. Буа районы Яңа Тинчәле авылы Мәдәният йортында оештырылган чара әлеге бәйрәмнең күркәм бер мисалы. Хезмәттәшләребез Фәннур Хәсәнов һәм Алексадр Решеткин видеоязмасы.
Халыклар бердәмлеге көне тирән рухи мәгънәгә ия. Ул безне бердәм булырга, ата-бабаларыбызның каһарманлыгын хөрмәт итәргә өйрәтә.Бу көн – илебез тарихына хөрмәт белдерү һәм аның данлыклы традицияләрен дәвам иттерүнең бер күркәм билгесе.
Әлеге бәйрәм кысасында, бердәм булып яшәү-эшләү төшенчәседәге, тагын бер зур хезмәт нәтиҗәсен искә алып үтү дөрес булыр. Яңа Тинчәле авыл эшчәннәре көзге кыр эшләрен дә вакытында тәмамладылар.Шушы ук бәйрәм көнендә, ямь өстенә ямь дигәндәй, тагын бер матур гамәлне әйтеп үтү урынлы булыр. Яңа Тинчәленең асыл егете, Радик Рәуф улы Гайзатуллинның Татарстан Республикасы финанс министры булып эшләвенә 20 ел тулды. Авылдашлары алдында шушы исем астындагы китапны тәкъдир итү дә, залда утыручыларны тагын бер кат дулкынландырды, авылдашыбыз өчен горурлык хисе уятты.
Яңа Тинчәле авылында зур эшләр башкарып, бергәләп, бердәм булып ял итәр өчен барлык мөмкинлекләр дә бар- уты, суы, газы кергән, инде юллары да төзек, мәктәбе яңартылган, мәдәният сарае да балкып тора, гүзәллеккә чикләр юк, -диләр бит- “Бердәмлек” дип исемләнгән ял итү паркы, әкияттәге кебек, ялтыравыклы суларын төрле тарафларга сибеп торган фонтан, Чишмә буе, Мәчетләре, дисеңме, иң борыңгы мәчет урыны да, изге урын, хәтер билгесе булып балкып тора.
Болар барысы да Яңа Тинчәлеләрнең тырыш хезмәте, туган якка, туган авылга, анда яшәгән эшчән халкына булган игътибарлык, игътирамлык, хөрмәт, тотрыклы, матур тормыш билгесе.
Фәннур Хәсәнов, Александр Решеткин Татарстан яңалыклары.
