Шәхси үсеш һәм үзеңне профессиональ яктан камилләштерү. Казан Федераль университетында «Россия – мөмкинлекләр иле» платформасы көне булып узды. 4 ел эшләү дәверендә аның проектларында 15 миллионнан артык кеше катнашты.
Студентлар тәҗрибәле экспертлар белән аралашып, үсеш өчен яңа юллар эзләде. Лекцияләрдә һәм остаханәләрдә катнашучылар резюмены дөрес итеп язарга, уңышлы чыгышларның сере нәрсәдә икәнен өйрәнде. Шулай ук фейк, ягъни ялган мәгълүматны аеру һәм булдырмау ысулларына да төшенде.Төп максатлары — шәхси бренд формалаштыру. Әлеге чара волонтерлар,ай-ти -белгечләр, блогерлар, сәяхәт сөючеләр өчен дә файдалы булды.
