Казан тимер юл вокзалында «Җиңү поезды» мемориаль составын каршы алу тантанасы узды. Тулырак мәгълүмат хәбәрчебез язмасында.
Татарстанга «Җиңү поезды» мемориаль составы килде, ул Зөя утрау-шәһәрчеге файдалануга кертүнең 80 еллыгына багышланган. Казан станциясеннән поезд Зөя — Кильдураз — Буа — Борындык маршруты буенча бара.
Тимер юлчылар һәр станциядә Идел рокадасының төзүче-каһарманнары хөрмәтенә мемориаль такталар ачты. Ветераннар һәм кунаклар өчен патриотик җырлар белән иҗади коллективлар чыгышлары оештырылды.
Поезд составына Икенче бөтендөнья сугышы ахырында эшләнгән легендар Л-3095 паровозы керә. Бу СССРның тимер юллары челтәрендә хезмәт иктән иң яхшы һәм танылган совет паровозларының берсе. Заманында аны эшләгән конструкторларын Сталин премиясе белән бүләкләгәннәр.
Чараны уздыру вакытында платформаларда хәрби техниканың күргәзмә үрнәкләре һәм истәлекле даталы плакатлар урнаштырылды.
Идел рокадасын төзү Бөек Ватан сугышы барышында төп борылышларының берсе булган. Ул Сталинград сугышын резервлар белән тулыландыруда һәм корал белән тәэмин итүдә хәлиткеч роль уйнаган.
Искәндәр Гыймалтдинов, Иван Худяков.
