Бөтенроссия татар туган якны өйрәнүчеләр форумының нәтиҗәләре билгеле. Бу хакта Бөтендөнья татар конгрессында узган матбугат очрашуында игълан ителде.
Пермь крае, Свердловск һәм Чиләбе өлкәләрендә узган сәфәрләр бик уңышлы булган. Шул исәптән конференциия эшендә төбәкләрдәге татар оешмалары вәкилләре, төбәк тарихын өйрәнүче милләттәшләребез онлайн форматта та кушылган.
Төбәк форумына нәтиҗә ясау эзтабар язучылар, журналистлар, язучылар, артистлар һәм җәмәгать эшлеклеләре катнашында узды. Әлеге форумны уздыру тарихи-туган якны өйрәнү хәрәкәтенең, музей эшенең активлашуы, татар халыкының мәдәни мирасын өйрәнү һәм саклау буенча эшләрне киң җәелдерү белән бәйле. Очрашу һәр төбәктә тематик конференция, түгәрәк өстәл янында сөйләшү, мәдәни программа, экскурсияләр, туган якны өйрәнү китапларын тәкъдир итү белән үрелеп бара. Һәрбер җыенның зур нәтиҗәсе буларак, архив матералларына нигезләнеп, халкыбызда рухи мирасны туплаган саллы-саллы басмалар чыгарыла. Алар милли мирасыбызны мәңгеләштерүдә зур адым булып тора.
Алия Галиуллина, Александр Решёткин, Татарстан яңалыклары.
