Зәй шәһәренең Ринат Фәрдиев исемендәге татар гимназиясе укучылары хәрби операцияләрдә катнашкан Тимур Заһитов белән очрашты. Ул үзе дә татар гимназиясен тәмамлаган. Хәзерге вакытта контракт буенча капитан дәрәҗәсендә хезмәт итә, туган ягына ялга кайткан. Очрашу мизгелләре алдагы язмада.
Тимур Заһитов 2014 елда Кырымны азат итү буенча , 2019 елда Сириядә барган хәрби операцияләрдә катнаша.Тимур хәрби бурычын намус белән үтәгән өчен “Батырлык өчен” медаленә ия. Гимназия укучылары махсус хәрби операциядә катнашучы якташларыбызга хат язганнар. 2 нче сыйныф укучысы Наил Габдрахмановның хаты Тимур Заһитовка барып җитә.
Батыр солдатларга минем хатым барып җитәчәгенә ышанмаган идем дә, ди ул. Рәхмәт йөзеннән Наил Тимур Заһитовтан истәлекле бүләк алды.
Гимназиянең укытучылар коллективы да Тимур Заһитов белән очрашуны көтеп алган. Укучылары арасында Тимур кебек батыр егетләр үсүе белән беренче укытучысы Җүәйрә Яхина да горурлана.
Хәрби операцияләрдә катнашучы Тимур Заһитов белән очрашуда сүз илдә барган вәзгыять турында булды. Укучылар үзләрен кызыксындырган сорауларын бирделәр.
Эльза Әхмәтҗанова, Әдилә Борханова, Денис Ипатов Зәй районы.
