Казан шәһәренең район администрацияләрендә мобилизацияләнгән гаиләләр өчен “Батыр” карталарын тарату дәвам итә. Тулырак аңлатма алдыгы видеоязмада.
Мобилизациягә алынганнарның гаиләләренә төрле мәдәни чараларга барыр өчен “Добрая Казань “ оешмасы “Батыр” карталарын тарата.
Балаларга батыр картасы әниләре яисә, туган-тумачасы озатып йөрү шарты белән бирелә. Шәһәребезнең 40 мәдәни оешмасы әләге хәйрия чарага кушылды. Казан циркы иң беренчеләрдән ярдәм кулы сузып, тамашаларына “Батыр” карталары белән килүчеләрне көтеп кала.
Карта белән билет алганда оештыручылар яшь чикләүләренә игьтибар итү мәҗбүри дип белдерә.
“Батыр” карталарын алу буенча туган сорауларга 558-74-18 телефоны аша мәгълүмат алып була.
Эльза Әхмәтҗанова, Ралина Абрамова, Альберт Сафиуллин
Татарстан яңалыклары.
