Җыр күңелне күтәрә, рухны ныгыта. Алабугада яшәүче студент кыз “Алга” һәм “Тимер” батальоннары солдатларына багышлап җыр язган. Кызның әтисе дә шунда хезмәт итә. Аңа карата хөрмәт, ихтирам хисләре җыр иҗат итәргә рухландырган.
Алабуга мәдәният һәм сәнгать көллияте студенты Райна Сабирова «АЛГА ТИМЕР» җырына аерым мәгънә салган. Йөрәктән чыккан Һәр сүзе Ватанны саклаучы яраткан әтисенә, батальон солдатларына теләктәшлек билгесе.
Райна җырын әтисе туган көнне тәкъдим итте. Җәй көне ул “Алга» батальоны волонтерлары сафына керә. Әтисенә теләктәшлек белдерәсе килә. Ә җыры махсус хәрби операциядә катнашучылар өчен рәсми булмаган гимнга әйләнә.
Патриотик җыр тиз арада социальчелтәрләр аша таралды. Зур сәхнәдә чыгыш ясарга да чакырулар бар. Җыр хәрби хәрәкәтләрбарган урыннарда да еш яңгырый. Ул солдатларны алга өнди, тыныч-имин тормыш киләчәгенә өмет уята.
Максим Бигашев, Айрат Шәйгалләмов, Татарстан яңалыклары, Алабуга.
