Тиздән, ягъни 16 октябрь көне үз һөнәри бәйрәмнәрен Юл хуҗалыгы хезмәткәрләре билгеләп үтә. Сәнәгать, авыл хуҗалыгы, төзелеш — бер генә өлкәдәге эшчәнлек тә юллардан башка тормышка ашырылмый. Быел юл төзекләрәндерү эшләренә Республикада 190 миллиард сумнан артык акча бүленгән. Моңа кадәр ул кадәр зур сумма бүленгәне юк иде . Бу хакта Хөкүмәт йортында узган киңәшмәдә искәртелде. Эшлекле сөйләшү барышыннан Чулпан Әмири репортажы.
Республика юлларын төзекләндерүгә бүленгән 190 миллион сум акчаның 28 е — федераль бюджет акчалары. Эш күләмнәре зур. Барлыгы 50 км дан артык юл төзелгән — бу планның 95% ы. Шулай ук 600 чакрымнан артык юл ремонтланган. Федераль финанслау хисабына Казан шәһәре териториясендә зур Казан боҗрасы төзү, Вознесенский тракты төзелеше кебек социаль әһәмияткә ия булган объектлар төзү эшләре дә шактый.
Быел М7 автомобиль юлының бик зур өлеше төзекләндерелде , Казан аэропортына керү юлллары салынды. Түбән Кама, Чаллы шәһәрләре арасында М7 автомобиль трассасы төзелә башлады. Иң зур проект М12 Мәскәү-Түбән Ковгород-Казан тиз йөрешле автомобиль юлы төзелешен дәвам итә. Быел аңа 101 млрд сум күләмендә финанслау каралган.
Брифингта шулай ук торак пунктларда вак-ком катламы белән юл-урам челтәрен норматив хәлгә китерү турында да сөйләштеләр. Гомуми озынлыгы 150 км булган 380 обьектта эш башкарыла. Республикада “имин һәм сыйфатлы юллар » илкүләм проектын гамәлгә ашыру дә дәвам итә. Төбәк әһәмиятендәге 16 участокта төзекләндерү эшләре бара.
Юллар белән беррәттән, республикада төбәк һәм муниципаль күперләрне төзекләндерү эшләре дә тулы куәттә алып барыла.
Шулай ук бүгенге вәзгыять, ягъни санкция чикләүләре шартларында юл тармагын үстерү мөмкинлекләре турында да министр тарафыннан аерым билгеләп үтелде.
Ә инде бүгеннән 14октябрьга кадәр “Юллар 2022 « халыкара күргәзмә- форумы башланак. Өч көн дәвамында әйдәп баручы компанияләрнең презентацияләре көтелә. Иң уңышлы фикерләр һәм технологияләр юл челтәре обектларында кулланыр өчен җәкъдим ителә.
Чулпан Әмири, Ирек Хәмидуллин, Татартсан Яңалыклары.
