Татарстан Республикасы Президенты Рөстәм Миңнеханов эшлекле сәфәр барышында Үзбәкстан Республикасы Президенты Шәүкәт Мирзиев белән очрашты.
Узган ел нәтиҗәләре буенча Татарстан-Үзбәкстан товар әйләнеше 193 миллион доллардан артып киткән. 2022 елның беренче яртыеллыгы шулай ук 34% үсеш күрсәткән. Болар барысы да, Татарстан Президенты фикеренчә, актив шәхси багланышлар, үзара визитлар нәтиҗәсендә уртак предприятиеләр тормышка ашырыла.
Рөстәм Миңнеханов Ташкент шәһәрендә Айти -паркта булды.
Татарстан Президентына парк концепциясе турында сөйләделәр. Биредә коворкинг-үзәк, айти-академия, айтилаборатория һәм кунакханә ачылырга тиеш. Татарстан Президенты Ташкент тәҗрибәсе һәм мөмкинлекләрен өйрәнү һәм Татарстан компанияләрен хезмәттәшлеккә җәлеп итү буенча җаваплы белгечләргә йөкләмә бирде.
Шулай Үзбәкстанга эш сәфәре кысаларында Ангрен шәһәрендә резинотехника заводында булды.
Биредә конвейер тасмалары, авыл хуҗалыгы һәм автомобиль шиннары җитештерелә. Предприятиенең еллык егәрлеге 3 млн. берәмлек автомобиль шинына һәм 200 мең авыл хуҗалыгы шинына җитә.
