Татарстан Республикасы Президенты Рөстәм Миңнеханов эш сәфәре белән Үзбәкстан Республикасында булды. Тулырак хәбәрчеләребез язмасында.
Ипи –тоз якты йөз белән башланган эшлекле сәфәр вакытында Татарстан Президенты Рөстәм Миңнеханов Үзбәкстанның киләчәге тәрбияләнгән күптелле белем бирү мәктәбе эшчәнлеге белән танышты. .
Туган телдә сәламләнгән укучылар әлеге белем йортын тммамлагач халыкара югары уку йортларына укырга керү сертификаты ала. Шул исәптән КФУның Үзбәкстанда ачылган филиалына. Татарстан Президенты Рөстәм Миңнехановның Үзбәкстанга баруның төп сәбәбе дә Джизак шәһәрендә Казан федераль университетының филиалы ачу булды.
«Филиалның нәкъ менә Үзбәкстан Республикасында ачылуы символик мәгънәгә ия. Безне күпьеллык нәтиҗәле хезмәттәшлек традицияләре бәйли, соңгы елларда тотрыклы рәвештә ныгытыла», — дип билгеләп үтте Рөстәм Миңнеханов. Ачылу тантанасында Үзбәкстан Республикасы Премьер-министрның ягулык-энергетика һәм химия тармакларын үстерү мәсьәләләре буенча урынбасары — Энергетика министры Җурабәк Мирзамөхәммәдов катнашты.
Гыйльми проект Үзбәкстан Республикасы җитәкчелеге ярдәме белән тормышка ашырылды. Биредә машина төзелеше, геология, инжиниринг, икьтисад, мәгълүмат системалары һәм технологияләре, менеджмент, лингвистика, биомедицина белгечләре әзерләү өчен укыту программалары әзерләнгән. Мәсәлән, мультимедияле журналистика юнәлеше буенча Казан федераль университеты мөгаллимнәренең филиалга барып укытуы килешенгән. Уку процессы 31 октябрьдә башлана. Эшлекле сәфәрнең түгәрәк өстәл янында җыелып сөйләшү өлеше Ташкент өлкәсе хакиме Зоийр Мирзаев катнашында үтте . Сезнең идарә итү тәҗрибәгез безнең өчен бик мөһим. Безнең ил Президенты беренче чираттагы бурычларның берсен итеп Россия төбәкләре белән мөнәсәбәтләрне үстерүне куйды. Татарстан безнең өчен якын», — диде Ташкент өлкәсе хакиме, Рөстәм Миңнехановны сәламләп. Очрашу барышында «Чырчык» химия-индустриаль технопаркының үсеш мөмкинлекләре билгеләнде. Мәгълүм булганча ул Татарстан һәм Үзбәкстан партнерларының уртак проекты.
Мөршидә Җиһан. Татарстан Президенты Матбугат хезмәте берлектә махсус Татарстан яңалыклары өчен.
