Краснодарда да, Дунай ярында да түгел, ә башкалабызның Дәрбишләр бистәсендә яшәүче ир-ат бакчасында йөзем үстерә. Соңлап чәчәк атуына да карамастан, җиләк хәтта татлы шәраб ясарга да җитә. Уңган бакчачының хезмәт җимешләрен хәбәрчебез дә күреп кайтты.
13 сутый җирдә Леонтий Иванович 50дән артык сортлы йөзем үстерә. Һәр сорт йөземнең үз өлгерү чоры бар.
Быел һава шартлары йөземнең чәчәк ату вакытын бер айга соңартты. Шуңа да карамастан, бакчачы мул уңыш җыя алган.
Леонтий Иванович яңа сортларны сынап карарга тели, ләкин моның өчен урын җитми. Өстәвенә, олы яшьтә инде, 87 не тутырган. Ул йөзем үстерү буенча еллар буена туплаган тәҗрибәсе белән бик теләп уртаклаша.
Леонтий Ивановичныңның плантациясе Көньяк бакчалары белән көндәшлек итә алмаса да, туганнарын һәм якыннарын куактан яңа өзеп алынган йөзем һәм үзе ясаган шәраб белән дә сыйлый ала.
Наргис Фәйзуллаева, Иван Худяков, Татарстан яңалыклары.
