Чаллыда гофротараның күпкатлы автоматлаштырылган склады ачылды. Бу тармакта Россиядәге комбинатлар арасында беренче проект. Көнбатыш санкцияләренә карамастан, аның беренче чират эшли башлады инде. Складның масштаблары турында киләсе сюжетта.
9 катлы әлеге бина махсус яңа склад өчен төзелгән. Аны төзү тәкъдиме күптән бар иде. Бу объект гуфротарны саклау өчен өстәмә мөмкинлекләр ачты, җитештерү процессын оптимальләштерде – бер заказдан икенчесенә күчү саны кимеде.
Гофротараны кабул итү һәм бирү процессы тулысынча автоматлаштырылган. Махсус программа буенча краннар транспорт системасы ярдәмендә теләсә кайсы каттан продукцияне конвейерга кертә, Барлык эшләрне техника башкара.
Титов исемендәге катыргы-кәгазь комбинаты Италия компаниясе белән берлектә проектны гамәлгә ашырды. Биредә 17 яңа эш урыны булдырылган. Барлык белгечләрне дә укытканнар. Күптән түгел җиһазлар файдалануга тапшырылган, ә саклауда буш урыннар юк диярлек.
Продукцияне күпләп кулланучыларга да уңайлыклар туды. Хәзер алар җитештерелгән продукцияне биредән үзләренә кирәк чакта, теләсә кайсы вакытта ала.
Планда уникаль автоматлаштырылган складның икенче чиратын сафка бастыру. Кәгазь-катыргы материлларын киләчәктә дә һәм кыю проектларны гамәлгә ашырырга әзер.
Дмитрий Второв, Ренат Сәхибгәрәев, Илдар Сафиуллин, Татарстан яңалыклары, Чаллы.
