Буа районында Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясенең зональ семинар-киңәшмәсе узды. Төрле милләт вәкилләре дус-тату яшәгән Буа районында туган телне саклау, авылларның киләчәген кайгырту, гомумән мәдәният үсеше өчен нинди эшләр башкарыла? Үрнәк алырга буламы? Әлеге сорауларга җавапларны хәбәрчебез Мөршидә Җиһан белеп кайтты.
Тел мәсьләсе кебек четрекле юнәлешнең дилбегәсен Марат Әхмәтовка тапшырганга ике ел узып китте. Җиң сызганып эшкә керешкәннән бирле аның юлдан кайтып кергәне юк дисщк тщ хата булмас. Бүгенгесе — Буа районына китерде һәм әлеге төбәкнең милли вәзгыть торышы белән танышу Исәк авылыннан башланды.
“Бер кавемнең дә хәле үзгәрмәс, үзе теләгәнчегә хәтле” дип искәртелгән бер аятьтә. Исәктә үзгәрешләр күзгә күренерлек. Ә иң мөһиме үзгәртергә теләк бар.
Киләчәк буын милли гореф-гадәтләрне белеп, өйрәнеп үссен өчен мәчеттә ел саен төбәкара мөнәҗәтләр бәйгесе үткәрелә.
Бәхет эзләп шәһәргә киткән исәклеләрне, бигрәк тә яшьләрне яңадан кайтару максатыннан авылда эш урыннары булдырылган. Кыска гына вакыт эчендә капчык тегү цехы ачып эшләтеп җибәрү шуның бер үрнәге.
Исәктә эре мөгезле терлек һәм кош-корт фермалары ачылып шактый нәтиҗәле эшләп китүдә киләчәккә зур өметләр баглый.
Һәр җирлек, һәр авыл-шәһәр үз өлешен кертүне үзенчә кайгырта.
Белем белән бергә милли тәрбия дә бик мөһим дип белдерде Милли мәгариф идарәсе башлыгы Лилия Әхмәтҗанова.
Белгеч барлыгы җиде район күрсткечләренә нигезләнеп милли мәгариф торышана анализ ясады. Мәшәкатьле булуга сылтап гроант алуда катнашмаучы мәктәпләр барлыгын сөйләде. Ә Марат Әхмәтов андый мәктәпләргә белгеч җибәреп ярдәм итәргә кирәклеген һәм Татар халкының үсеш стратегиясенең цитаталарын плакат итеп һәр милли мәктәп диварына беркетергә кирәклеген әйтте. Чуаш милли-мәдәни үзәге рәисе Владимир Ильин милли кадрлар җитенкерәмәве белән уртаклашты. Әмма тулаем Буа районында милли гореф-гадәтләрне саклауда эзлекле эш алып барыла диде. Эзлекле эшнең нәтиҗәсе итеп Марат Әхмәтов Буа районын үрнәк гамәлләре өчен рәхмәт хаты белән бүләкләде.
Шулай ук шәхси үрнәк нигезендә милләтебезнең киләчәген кайгыртуга зур өлеш керткәне өчен Буа якташлык җәмгыяте президенты Ирек Закиров хезмәте дә аерым билгеләп үтелде.
—Буа районында үткәрелгән милли- мәдәни чаралар бихисап.
Яңа гына Раил Садриев җитәкчелегендә «Буа талиясе» театр лабораториясе эшләде, аннан Җирле дәүләт драма театрында «Апас, Тәтеш, Буа – мәдәни дуга» халыкара сәнгать фестивале башланды.
Зональ семинар-киңәшмәдә катнашучылар мәдәни чаралар белән танышуны Буа үзәк паркында дәвам итте.
Балалар катнашында театральләштерелгән тамашалардан тыш, кунаклар рәссамнәр күргәзмәсе белән танышты. Интеллектуаль уеннар мәйданчыгында да булды.
