9 сентябрьдә Камал театры «Зәңгәр шәл» спектакле белән 117нче сезонын ача. Яңа сезонда тамашачыларны 5 премьера, оркестр концертлары, интерактив экскурсияләр, конкурс- юбилейлар, фестивальләр көтә. Яңа сезон ачылу уңаеннан татар информ мәгълумат үзәгендә матбугат очрашуы узды.
Яңа сезонның беренче премьерасы кече сәхнәдә – “Көл” спектакле октябрь аенда күрсәтелә. Спектакльнең режиссеры һәм инсценировка авторы — Айдар Җәббаров. Спектакльдә бары ике артист уйный.
Шулай ук беренче тапкыр Әмирхан Еники повесте буенча «Рәшә» спектакленең премьерасы планлаштырыла.
“Болганчык еллар. Мөхәҗирләр” спектакле күптән көтелгән премьера.
117нче сезонда Россиянең һәм Татарстанның халык артистлары юбилейларын билгеләп үтәргә җыена.
«Шәрык клубы» татар театры тарихының интерактив мультимедиа комплексы үз эшен дәвам итә. Яңа сезон гастрольләргә дә бай. Ләлә Зәйнуллина, Ренат Сәхипгәрәев. Татарстан яңалыклары.
