Россиядә Казахстан мәдәнияте көннәре кысаларында Татарстан Республикасында мәдәни чаралар үткәрелә.
Бу хакта Казахстанның Казандагы генерал консулы Ерлан Исхаков “Татар- информ” мәгълүмат агентлыгында узган матбугат очрашуында хәбәр итте. Бүген Казан тамашачысына «Татаркино» белән берлектә төшерелгән «Тарлан» фильмы тәкъдим ителә. Билгеле булганча, әле фильм Галимҗан Ибраһимовның “Алмачуар” әсәренә нигезләнгән. Казахстан мәдәнияте көннәре Татарстанда узган Халыкара мөселман киносы фестиваленә туры килде. Казахстан режиссерларының барлыгы биш фильмы күрсәтелә, алар арасында Адай Абельдиновның төрки каганат хәрби җитәкчесе — Күлтәгингә багышланган фильмы да бар.
Моннан тыш, иртәгә Муса Җәлил исемендәге Татар дәүләт опера һәм балет академия театрында Казахстан сәхнә осталары концерты була дип белдерде очрашуда катнашкан Татарстанның мәдәният министры Ирада Әюпова.
