Анжела Вавилова исемендәге Фонд чираттагы тапкыр «Балалар-балаларга» дигән акция уздыра. Анда мәктәп укучылары катнаша, алар укытучыларга чәчәк сатып алырга дигән акчаларын авыру балаларга ярдәм итүгә тота ала. 1 сентябрьдә сыйныфтан укытучыларга бер чәчәк бәйләме белән генә чикләнергә, ә экономияләнгән акчаны фондка күчерергә була.
Кечкенә моторикага да вак детальләр кертергә мөмкин. Валерия өчен гадәти пластилин тере җан кебек.. Алардан төрле сыннар ясый. Тернәкләнү иҗат белән бергә үрелеп бара, иң мөһиме- янында кирәкле, кыйммәтле материал бар.
Ә Булатка тернәкләнү ярышу кебек. Кубиктагы төсләрне 45 секунд эчендә җыя. Йөзү белән шөгыльләнә, күнегүләр курсын уза, графитти сәнгатендә осталыгын сынап карый.
Укучылар матур образлар сайлап, сыйныфташлары белән күптән көтелгән очрашуны көткәндә, яраткан укытучыларына чәчәк бәйләмнәре сайлаганда – гадәттәгечә, кечкенә пациентлар өчен хосписта иганә җыялар. Авыру балаларга ярдәм итү, аларның шатлык-борчуларын уртаклашу – зур эш ул.
Булат, Валерия һәм башка авыру балаларга булышу — «Балалар балаларга» акциясенең асылы шунда. 102нче, 96 нчы гимназияләр һәм 78 лицей укучылары үз өлешләренен керткән инде. Җыелган акчалартернәкләнү җиһазлары һәм махсуслаштырылган туклану сатып алуга тотыла. Елизавета Жукова, Дамир Мөхәммәтханов,Татарстан яңалыклары.
