Концертлар үткәрү мәйданчыгы Казанның Сандугач китапханәсендә дә барлыкка килде. Республика өчен — ул үз концерт залы булган беренче китапханә. Танатанада Татарстан Президенты Рөстәм Миңнеханов та катнашты. Тулырак алдагы язмада.
Мәүлетов урамындагы яңартылган «Сандугач» китапханәсендә укылган китапны фойеда ук, уку залына кермичә дә тапшырырга була. Яңа китапларга электрон формада язылырга да мөмкин.шунда ук йомшак кәнәфигә утырып, китап укырга да була.
Китапның кәгазь яки электрон версиясен сайларга мөмкин. Шулай ук китапханәнең кафетериясендә утырып, аудиозалдагы музыкаль язмаларны тыңларга яки, әйтик, каллиграфия буенча мастер-класска язылырга мөмкин.
Иң мөһиме — бу китапханәнең башкаларга охшамаган концерт залы. Бу-Казанда лекторларны гына түгел, ә бик шәп акустика белән артистларны да тыңларга мөмкин булган беренче китапханә.
Янәшәдәге ишек алды да танысаслык булып үзгәрде, әллә кайдан балкып тора. Ул шулай ук «Безнең ишегалды» Президент программасы буенча төзекләндерелде.
Мәүлетов урамындагы яңартылган ишегалдында кунаклар күп иде. Алар ишегалдындагы үзгәрешләрне бәяләделәр, концерт карадылар.
Иң мөһиме, барлык проектларны үтәгәндә шунда яшәүче кешеләрнең теләк-тәкъдимнәре исәпкә алына. Бу бүгенге һәим киләчәк буыннар өчен дә бик кирәкле.
Инна Данилова, Ирек Хәмидуллин, Татарстан яңалыклары.
