Россия Федерациясе Федераль җыены рәисе Валентина Матвиенко Татарстан Президенты Рөстәм Миңнеханов һәм Дәүләт Советы рәисе Фәрит Мөхәммәтшинга республика көне уңаеннан котлау җибәрде.
Анда Татарстан тарихының Россия дәүләтчелеге тарихында мөһим урын алып торуы, Идел һәм Чулман елгаларында урнашкан төбәкнең ил стратегиясен ныгытудагы әһәмияте бәян ителә. Котлауда республиканың барлык өлкәдә дә уңышлы үсеше өчен зур мөмкинлекләр тудырылуы хакында әйтелә.
