Татарстан Дәүләт Советының 33 нче утырышы язгы сесиянең соңгысы булды. Депутатларның көзге сессиягә кадәр, каникулы башланды. Парламент хәбәрләре белән сезне Алия Галиулина таныштыра
Көн тәртибендә 19 мәсьәлә каралды. Төп темаларның берсе-республика бюджеты. Санкцияләргә карамастан, фаразлаулар буенча, керемнәр 55 млрд. сумга арта. Казнага барлыгы 355 миллиард сум акча керә. Барлык социаль проектларны үтәү мөмкинлеге бар.
Ярты ел эчендә күп эшләнгән. Депутатлар 140 мәсьәләне тикшереп, 40 Закон кабул иткән. Гражданнарга һәм бизнеска ярдәм итү чараларына басым ясалды. Шул исәптән, пассажирлар йөртү турында закон кабул ителде. Ул муниципалитетларда транспорт проблемасын хәл итәргә тиеш.
Эшмәкәрләрне дә хупладылар. Табышка салым буенча ташламалар билгеләнде, социаль сәясәт республика бакчачыларына да кагылды. Быел инфраструктураны үстерүгә ярты миллиард сум акча юнәлдерелә. Тагын бер инициатива-Татарстан тәҗрибәсен Россиянең барлык төбәкләренә дә тарату. Сүз авылда яшәүче хатын-кызларга бер тапкыр бирелә торган түләүләр турында бара.
Әйтик, республикада беренче бала өчен 25 яшькә кадәрге ана 50 мең сум акча ала, ә 29 яшькә кадәр өченче бала табучылар – 100 мең сум. Бу уңайдән мөрәҗәгатьне ил хөкүмәте рәисе Михаил Мишустинга җибәрәләр. Пособие бирелә торган аналарның яшен арттырырга тәкъдим итәләр.
Шулай итеп, Татарстан Дәүләт Советының 33 нче утырышы язгы сесиянең соңгысы булды. Депутатларның көзге сессиягә кадәр, каникулы башланды.
