Татарстан балыкчылары уңышлары белән сокландыра. Соңгы ике атна эчендә аларга инде берничә — гигант җәен балыгын тоту бәхете елмайды. Яңа рекорд- йөз кило чамасы җәен балыгы.
Кама Тамагында яшәүче берәү шундый зур балык тоткан. Көймәдә сиксән җиде килограмм авырлыктагы җәен балыгы. Мондый авырлыктагы балыкны тотуы бик авыр, шулай да, тәҗрибә күрсәткәнчә, тотарга була.
Икенче берәү тагын да зуррак балык тоткан .Сергей Николаев Чулманнан тоткан җәен балыгы йөз килога якын булып чыга.
Бөтен республика балыкчылары социаль челтәрләрдә үз табышлары белән уртаклаша. Җәен балыыкларын зур суда гына тотмыйлар. Менә тагын бер бәхетле кеше – Ак барс Арена янындагы Казансуда егерме биш килограммлы балык эләктергән. Яки менә Идел ярында алтмыш өч килограмм авырлыктагы балык кармакка эләккән.
Белгечләр моңа гаҗәпләнми. Республикада балык тту өчен урыннар уңайлы. Шуңа күрә шактый зур балыкларны да тотарга була.
Тик менә шундый зур балыкны ялгыз гына тоту куркынычлы – балык көймәне әйләндереп капласа, балыкчыга зыян күрергә мөмкин. Тик бу балыкчыларны куркытмый, һәркайсы берәр центнер авырлыгы булган балык тотарга хыяллана.
