Шимбә көнне Буа велоузышта катнашучыларны каршы алды. “Йөз километр. Без-бергә” форумында профсоюз оешмалары һәм муниципалитетлар вәкилләре катнашты. Ул Чуаш Республикасының Комсомольск авылында старт алды. Финиш — Буа районында булды. Веломарафонда катнашучылар белән хәбәрчебез аралашты.
100 километр артта калды һәм велоузыш төгәлләнде. Катнашучылар финишка «Буа-Алан»га килде. Велотуристларның иң өлкәне – Яңа Чабаксардан 74 яшьлек Григорий Петров өчен дистанцияны узу җиңел бирелмәде. Эш аның яшендә түгел, ә транспортының резинасы тишелүдә. Чит ил велосипедына күчәргә туры килә аңа. Тик менә үземнеке күпкә уңайлырак ди катнашучы.
Велоузышта 140 кеше старт алды. Йөгереш вакытында аларга тагын да кушылдылар. Катнашучылар арасында буалылар да аз түгел. Буа шәһәренең мәктәптән тыш эшләр үзәге хезмәткәре Адилә Мәхмүтова быел марафонда беренче тапкыр катнашты. Комсомольск авылында старт алды.
Чуашстан һәм Татарстан профсоюзлары һәм муниципалитетлары оештырган Велотур өченче тапкыр үткәрелә. Быел маршрутны бераз үзгәрткәннәр-Чуашстанның Батыр районы аша да уздылар. Турда катнашучыларның, елдагыча, географиясе гаять киң.
“Буа-Алан” да велотурда катнашучыларга мәдәни ял оештырдылар. Ә аннан соң аларга өйләренә кадәр шул кадәр чакрым юл узарга туры килде. Әмма инде акрынрак темпта.
Алсу Сәмигуллина, Ильнур Кадыйров. Татарстан яңалыклары.
