“Рухи-әхләкый, хезмәт тәрбиясе- яшь буында патриотизмны формалаштыру нигезе” исеме астында Татарстан Республикасы Ветераннар (пенсионерлар) төбәк иҗтимагый оешмасы, Питрәч районы ветераннар (пенсионерлар) Советы белән берлектә күчмә пленум үздырды.
Заман таләпләрендә патриотик тәрбиянең әһәмияте турында хәбәрчеләребез репортажы.
Гражданлык позицияләрен арттыру да патриотик тәрбия бирү алдынгы урынга чыга, алай гына да түгел, замана тәләпләрен истә тотып, аны үзгәртү юнәлешендә эш алып бару зарур.
Питрәчтә узган республикабызның Ветераннар (пенсионерлар) төбәк иҗтимагый оешмасы һәм Питрәч районы ветераннар (пенсионерлар) Советы үткәргән күчмә пленумда патриотик тәрбия бирүнең төп проблемалары турында фикер алышканда нәкъ шул хакта ассызыклап әйтелде.
Нәрсә соң ул патриотик тәрбия, дигән сорауга, һәрберебез үзенчә җавап бирә. Ватанга карата тугры булу, Туган илнең тарихын белү һәм аның белән горурлану, кирәк чакта мәнфәгәтләрен якларга әзер тору,болар барысыда патриотлык билгеләре.
Тарихи дәлилләргә нигезләнеп патриотик тәрбия алып бару иң нәтиҗәле эшләрнең берсе булып тора. Ветераннар белән очрашулар, каһарман солдатларның исемнәрен белү, тылда хезмәт күрсәткән ватандашларны, бүгенге көн батырларын барлау чын патриотлар тәрбиялүнең өзлексез чаралары.
Яңа инфрормацион технологияләрне куллану, патриотик тәрбия формаларын камилләштерүдә алыштыргысыз ярдәм итә.
Бөек Ватан сугышында илебезнең Җиңүе, Совет чоры кешеләрендә чиксез горорлык хисе уята. Немец фашистлары белән булган дәхшәтле сугышта батырлык күрсәткән совет солдаты озак еллар үсеп килүче буыннар өчен дә үрнәк билгесе булган. Советлар союзы герое, Брест крепосте өчен көрәшкән майор Петр Михайлович Гавриловның нәсел җепләре Питрәч районының ӘЛБӘДӘН авылына килеп тоташа. Бүген геройның тууына 122 ел.
Яшь буында патриотизм хисен тәрбияләүгә дәүләт дәрәҗәсендә әһәмият бирелә. Илебез тарихына, мәдәниятына ихтирам һәм мәһәббәт белән караган очракта гына- чын патриот була алабыз. Бу һәрберебезнең хәленнән килә, теләк кенә кирәк.
Эльза Әхмәтҗанова, Таһир Хәсәнов. Татарстан яңалыклары. Питрәч.
