Яңа пассажир суднолары һәм меңләгән эш урыннары. Яшел Үзәндә Татарстан елга пассажир флотын торгызу буенча масштаблы программа турында фикер алыштылар. Идел буйлап нинди яңа туристик юнәлешләр күздә тотыла? Болар хакында киләсе сюжетта.
Горький исемендәге Яшел Үзән заводында бу судноны якынча бер ел төзиләр, техник яктан ул беренче сынауларга әзер диярлек.
Яңа пассажир теплоходы 120 кешегә исәпләнгән. Кайбер чит ил детальләрен үзебезнең илнекеләргә алыштырырга кирәк. Теплоходны Хатый Манси округына җибәрәләр. Кайберләре Иделдә йөриячәк.
Проектны гамәлгә ашыру өчен Идел буе федераль округында елга флотын торгызырга кирәк. Бу хакта дәүләт программаларын гамәлгә ашыру мәсьәләсе буенча эшче төркем утырышында сөйләделәр. Корабларның торышы начар түгел. Су буйлап әле дә Совет чорында җитештерелгән «Москва» һәм «Метеор»теплоходлары йөри.
Елга флотын торгызуны тизләтүгә федераль үзәктән ярдәм күрсәтелә. Дәүләт Думасы депутатлары теләктәшлек итә
Флотны һәм туристик инфраструктураны торгызу буенча план тәкъдим ителде. Беренче пункт-бердәм махсуслаштырылган оешма булдыру, ул 2024 елга планлаштырылган.
Булат Шакиев Дамир Мөхәммәтханов, Татарстан яңалыклары.
