Әссәләмегеләйкем вә рәхмәтуллаһи вә бәрәкәтүһү,хөрмәтле дин кардәшләр.
Урамда җәй.Мәдәрәсә мәчет каршында балалар өчен дини лагерьлар эшли, энә белән кое казып гыйлем эстәүчеләр, дипломнар алу чоры.
Россия ислам институтында мөселман уку йортлары студентлары арасында ислам дисциплиналары һәм гарәп теле буенча Бөтенроссия олимпиадасы узды. Олимпиадада катнашучылар — Россиянең барлыгы 30 га якын төбәгеннән мөселман укуйортлары студентлары.
“Kazan Expo” халыкара күргәзмәләр үзәгендә “Ак чәчәкләр – Ел табибы” конкурсында җиңүчеләрне бүләкләү тантанасы булып узды. Әлеге чарада Татарстан Республикасы Дәүләт Советы рәисе Фәрит Мөхәммәтшин, Татарстан Республикасы Сәламәтлек саклау министры Марат Садыйков белән беррәттән, төрле дәрәҗәдәге җитәкчеләр, хөкүмәт вәкилләре, шул исәптән Татарстан мөфтие Камил хәзрәт Сәмигуллин катнашты.
Татарстан мөфтияте сәламәтлек саклау оешмалары белән тыгыз элемтәдә. Татарстан Республикасының барлык Үзәк район хастаханәләрендә намаз уку бүлмәләре эшли. Моннан тыш, Казанда зур медицина учреждениеләрендә намаз уку бүлмәләре ачылган.
Исламның мөэминнәргә ихсан иткән иң олы гыйбәдәт көне — Җомга көнедер.
“Көннәрнең иң бөеге һәм иң олысы – һичшиксез, җомга көнедер дип искәртелә. Хәдисләр китабында. Җомга намазлары җәй көне мәчет каршында да укыла. Күптән түгел Ярдәм мәчетендә урамда узган намазны Рафис хәзрәт СӘЙФУЛЛИН укыды.
«Гаилә» мәчетендә бер сәгатьтә намаз укырга өйрәтү курслары яңартыды.
Бүгенгә сезгә җиткерәсе хәбәрәребез тәмам. Барыгызга да саулык-сәламәлек теләп саубуллашам. Әссәләмегеләйкем вә рәхмәтуллаһи вә бәрәкәтүһү
