Минзәләнең урман чишмәсе янындагы мәйданда 14 Республикакүләм Театраль Сабантуй гөрләп узды. Тулырак Динә Нәҗметдинова сюжетында.
Театраль Сабантуй 2005нче елдан бирле үткәрелә . Бәйрәмне Фәнис Наил улы Мөсәгыйтов җитәкчелегендәге Кәрим Тинчурин театры инициативасы белән уздыралар .Беренче Сабантуй Биектау районы Әлдермеш авылында уза. Артистлар Сабантуенда ел саен өч меңнән артык мәдәният һәм сәнгать коллективлары вәкилләре катнаша. Чараның төп максаты – татар халкының милли мәдәниятен саклау һәм театр сәнгатен үстерү.
Бәйрәм театраль дип аталса да, Сабантуйның бөтен уеннары: милли көрәш, гер күтәрү, капчыкта сикерү, чүлмәк вату, капчык сугышы һәм башкалар үткәрелде.
Театраль Сабантуйда 13 артык ярыш үткәрелде.Быел ярышлар исемлегенә волейбол уены өстәлә.
Бәйрәмгә мөхтәрәм кунаклар, җырчылар да чакырылган иде.
Җинүчеләргә истәлекле бүләкләр тапшырылды, Сабантуйның батыры- Г. Кариев театры артистына, Камалов Мусага тәкә бирелде. Башка еллардан аермалы буларак, быел төп бүләк Сабантуй батырына түгел, ә театрга бирелде. Автомобиль иясе -Кәрим Тинчурин исемендәге театр.
