Быел Татарстан ярдәмендә Россиянең төрле төбәкләрендә 400дән артык сабантуе оештырыла. Дөньянең 35 илендә яшәүче милләттәшләребез дә сабантуен үткәрә.
Сабантуеның төп бизәге – татарча көрәш. Быел Казанда батыр калучыларга традицион тәкә, шулай ук квадроцикллар бүләк ителә. Быел башкалада сабантуе киләсе шимбә, якшәмбе — 18 нче, 19 нчы июньдә була. Сабантуенда гадәттәгечә, ат узышлары, төрле милли уеннар, бай концерт программалары да каралган. Сабантуе программалары турында тулырак мәгълүмат республика мәдәният министрлыгының рәсми сайтында урнаштырылган.
