Сабан туена әзерләнүнең беренче өлеше — бүләк җыю. Әлбәттә аның исеме районына карап үзгәрә, куамаралар сөрән ди, Балтачлар әрәпә. Ә Байлар Сабасында ничек дип атала икән. Хәбәрчебез Мөршидә Җиһан репортажы.
Балалар иҗат үзәге каршындагы мәйданда гөрләп тора. Кызлар бизәнә, егетләр ат бизи. Әнә шулай борынгыдан калган гадәткә охшатып 21 нче гасырда Сабан туена бүләк җыела.
Бүләк җыючыларның беренче тукталышы Татарстан урамы.
Хуҗалар сәлам биреп каршы ала. Мул итеп бүләкләр дә, балалар өчен төрле тәм – томнар да бирелә.
Яшьләр моны сабантуйга бүләкләр җыю дип кенә кабул итсә, өлкәннәр өчен ул бик тә кадерле хатирәләрне кузгата торган көн. Дөрес анысы, ара-тирә әле дә сабантуйга кулъяулык, сөлге чигүчеләр бар. Әмма Әлфия Кәримуллина күңелендә балачак хәтирәләре яңара. Туып-үскән Кече Шыңар авылында бүләк , сабаларча әйтсәк бирнә җыю йоласын сагынып кайта кайта искә ала.
Сабан туена бүләк җыю халкыбызның юмартлыгын, кунакчыллыгын күрсәтә. Аларның урам тутырып бер җырлап узулары гына ни тора. Әнә бит һәркем чын күңелдән үз бүләген бирергә атлыгып тора .
Өлкән яшьтәге Тәкмилә апа да бүләген алдан ук әзерләп куйган. Бирнә җыючылар рәхмәткә юмарт булып чыкты.
Иң изге теләкләр теләп бирелгән бүләкләрне Сабан туенда мәйдан тотучыларга бирүе дә күңелле. Әлеге бүләкләрнең бер өлеше Саба сабан туенда катнашучыларга насыйп булды. Димәк Тәкмилә апа бүләгеннән күлмәк тегеп кигән уңган саба кызларын Казан Сабан туе көтә. Бүләкләрнең икенче өлеше нәкъ кала бәйорәменә китте.
Мөршидә Җиһан, Гөлшат Галиәкбәрова, Рәзил Нигъмәтов,Татарстан яңалыклары өчен махсусСсаба районынан
