Питрәч районының Пимәр авылында яшәүчеләр һавада начар ис торуына зарлана. Аның чыганагы – кырга чыгарылган кош тизәге өемнәре. Урында безнең иҗат төркеме дә булып кайтты.
Тышка медицина битлекләрен киеп чыгу авыл халкының мәҗбүри йоласына әйләнеп бара.
Пимәр авылында битлек режимы вакыты чикләнмәгән-бу начар истән саклануның бердәнбер чарасы. Көннәр җылытуга басудан кош тизәге исе килә.
Начар ис проблемасы халыкны инде берничә ел борчый. Туры юлдан авылдан кырга юнәләбез. Тирес урынын ис буенча таптык.
Ашлама өчен кырга чыгарыгылган тиресне таратырга өлгермәгәннәр. Район хакимиятендә көчле яңгырлар яву сәбәпле, техниканың кырга керә алмавы белән аңлаттылар. Бу проблеманы өлешчә хәл итәр иде.Тиресне монда зур агрохолдинг чыгара.
Куркыныч калдыкларны кайчан җыеп алырлар, ә тавык тизәге шундыйлар рәтенә керә. Бу сорауны без агрохолдингка язмача юлладык. Җавапны якын арада бирергә вәгъдә иттеләр.
Айнур Вәлиәхмәтов, Илдар Галәветдинов, Татарстан яңалыклары, Питрәч районы.
