Бүген җомга, ә җомга сүзе гарәпчәдән “җыелу” дигәнне аңлата. Атнаның башка көннәре белән чагыштырганда аңа үзгә әһәмият бирелә. Дини вәзгыятьттәге үзгә әһәмиятле вакыйгалар белән таныштыру өчен сүзне хезмәттәшем Мөршидә Җиһанга бирәм.
Әссәләмегаләйкем вә рәхмәтуллаһи вә бәрәкәтүһү. Җомга бәйрәмебез мөбәрәк булсын дип сәхифәбезне башлап җибәрәбез.
Татарстан Республикасы Президенты Рөстәм Миңнеханов Россия Федерациясе Үзәк Диния нәзарәте рәисе, Россиянең Баш мөфтие Тәлгать Таҗетдин белән очрашты. Очрашу Президентның Хөкүмәте Йортындагы эш кабинетында узды. Сүз Традицион кыйммәтләрне һәм күп гасырлык рухи мирасны саклау, дини объектларны торгызу һәм конфессияара диалогны ныгыту мәсьәләләре турында барды. Очрашуда шулай ук Татарстан Республикасы Президенты Аппараты Җитәкчесе Әсгать Сәфәров катнашты.
Татарстан Президенты Рөстәм Миңнеханов йөкләмәсе буенча эшмәкәрләр көче белән Казанның сигез зур сәүдә үзәгендә барлыгы сигез намаз уку бүлмәсе булдырылды һәм төзекләндерелде. Күптән түгел Республика балалар клиник хастаханәсенең Онкология үзәгендә намаз уку бүлмәсендә дә ачылды. Гыйбадәт кылу бүлмәсен ачуны Россиякүләм Мөселман эшмәкәрләре ассоциациясе башлап йөргән. Тантанага килүчеләргә Балалар республика клиник хастаханәсе җитәкчелеге дәваланучыларга тудырылган заманча шартларны, медицина җиһазларын, палаталарны, әти-әниләр һәм яшь пациентлар өчен мөмкинлекләрне күрсәтеп, таныштырып чыкты. Шулай ук җитәкчеләр хастаханә территориясендә салу ниятләнгән мәчет урынын карады.Ә гомумән алганда Татарстан Республикасының барлык Үзәк район хастаханәләрендә намаз уку бүлмәләре бар.
Казанда Татарстан Республикасы Сәламәтлек саклау министрлыгы, Татарстан Республикасы мөселманнары Диния нәзарәте һәм Татарстан митрополиясе арасында хезмәттәшлек турында Генераль килешү имзаланды. Килешү дини оешмаларның, дин һәм сәламәтлек саклау арасында үзара бәйләнешләрнең тарихи рухи традицияләрен дәвам итү максатыннан төзелде. Килешүгә кул куйганнан соң, министр Марат Садыйков кунакларга министрлык бинасы буенча экскурсия үткәрде. Җитәкчеләр бөек татар шагыйре Габдулла Тукай гомеренең соңгы көннәрен үткәргән истәлекле бүлмә белән дә танышты
Идел буе Болгар дәүләтендә рәсми рәвештә ислам динен кабул итүгә быел 1100 ел тулуга багышланган чарлар дәвам итә. Кариев театры үз тамашачысына Йосыф премьерасын тәкъдим итә. Йосыф» спектакленең фәнни киәшчесе Россия мөфтиләре шурасы рәисе Равил Гайнетдин. Ул тәкъдим иткән нәшидләр дә була .дип сөйдләде . театрының баш режиссеры Ренат Әюпов матбугат очрашуында
“Кеше – ул Вакыт”, – ди галимнәр. Моңа иң гүзәл билгеләмәне имам Хәсән әл-Басри биргән: “Чынлап та, кеше билгеле бер сандагы көннәрдән генә тора. Һәр үтеп киткән көн белән бергә, ул бу кешедән дә кими”.Вакыт – без кадерен белмәгән төп байлык. Шуңа да кадерен белик дигән теләктә бүгенгә саубуллашам. Әссәләмегаләйкем вә рәхмәтудллаһи вә бәрәкәтүһү
