«Россия — Ислам дөньясы: KazanSummit 2022 » XIII халыкара икътисадый саммит тәэсирендә Казанда дипломатик клуб барлыкка килде.
Әлеге клуб — Татарстан башкаласында урнашкан консуллыкларда эшләүче аккредитацияләнгән дипломатлар аралашу мәйданчыгы. Оешуларына аз гына вакыт үтүгә карамастан уртак мәдәни эшчәнлек даими агымга куелган. Шул исәптән татар һәм казах халкының милли аш-су әзерләү үзенчәлекләрен өйрәнгәннәр. Ә күптән түгел төрек халкының иртәнге ашы тәкъдим ителде. Төрек ризыклары белән Мөршидә Җиһан таныштырыр.
Әнә шулай гунайдын дип исәнләшә иртән төрек халкы. Каерлы таң, Хайрли тонг, хәерле иртә дип исәнләшүчеләр дә булды. Чөнки бүген биредә казахстанның, үзбәкстанның казандагы баш консуллары һәм Россия Тышкы эшләр министрлыгы вәкиләре очрашты. Аларның барысын да Төркиянең Казандагы Баш консулы Исмет Эрикан иртәнге ашка чакырган.
Милли аш-су теләсә кайсы халыкның тарих көзгесе. Төрек халкының иртәнге ашын хәтерләткән беренче истәлекләр Солтан Баязид II идарәсе вакытына карый. Шул чакта ук бал, каймак, сыр, йомырка иртән ашалган. 50 ел чамасы элек иртән аш , төрекчә әйтсәк чорба да ашалган. Төркиянең Казандагы Баш консулы Исмет Эрикан ул Төркиянең кечерәк шәһәрләрендә авылларында сакланган , әмма хәзер тиз әзерләнә торган ризык гадәткә кергән дип сөйләде кунакларга.
Иртәнге ашның төп ризыгы йомырка тәбәсенә охшаш менемен , аны суган турап та , сугансыз да, теләүчеләр казылык белән дә әзерли. Төрекләрнең менемене кунакларга бик ошады.
Мондый милли традицияләргә багышларгын чаралар безгә берләшергә ярдәм итә. Шушы көннәрдә үзбәк пылавы пешерергә өйрәтәм дип белдерде Үзбәкстанның Казандагы Баш консулы.
Казанда яшәгәч төрле илләрнең консуллары татар милли ризыкларына да тиз ияләшкән.
«Иртәнге аш» төрекчә (kahvaltı) дип атала димәк без «каһвә» астында кала торган ризык ашыйбыз дигән сүз. Ә аннары кәхвә белән сыйлансаң да була. Ашаганнан соң эчкәч сәламәтлеккә дә зыян килми. Төрекләрнең иртәнге ашлары Ван төбәгенә аеруча мәшһүр. Хәтта Гиннесс рекордлар китабына да кертелгән.
Мөршидә Җиһан Ленар Хәбибуллин. Татарсатан яңалыклары.
