Быел Казанда тугыз җәмәгать киңлеген төзекләндерәләр. «Салават күпере» һәм Нокса торак комплексларында яңа парклар, Балыкчы бакчасында йөгерү юлы, Юнысов мәйданында бакыр колонкасы ясыйлар, Зур Зәңгәр күл ярларына гранит җәяләр.
Иң зур проектларның берсе-Зур Зәңгәр күл янындагы территорияне төзекләндерү. Быел ярларны саклау чаралары күрелә.Зур Зәңгәр күле ярлары гранит, композит шпунтлар һәм туфрак грунты белән ныгытыла. Авария хәлендәге агач күперне дә алыштырырга җыеналар.
Быел Казанда барлыгы тугыз җәмәгать киңлеге төзекләндерелә. «Салават күпере» һәм Нокса комплексларында яңа парклар, Балыкчы бакчасында йөгереш юлы, Юнысов мәйданында бакыр колонкасы. Иске Татар бистәсенең үзәгендәге, Фатыйх Кәрим һәм Габдулла Тукай урамнарындагы зур булмаган скверлар яңартыла.
«Кече Аккош күле» паркын төзекләндерүне дә төгәлләргә планлаштыралар. Кече архитектура формалары һәм навигация белән җиһазландырырга телиләр. Паркта күбрәк чәчәкләр үстерергә җыеналар. Ә мастер-класслар зонасында медиаэкран урнаштырыла, шунда хастаханә хезмәткәрләре һәм пациентлары өчен чаралар үткәрелә.
Быел Казанда җәмәгать киңлекләрен төзекләндерү буенча тугыз проектны гамәлгә ашырырга планлаштыралар. Аларның сигезе — «Уңайлы шәһәр тирәлеген формалаштыру» Федераль проекты буенча башкарыла. Моның өчен 943 миллион сумга якын акча бирелгән.
Ралина Абрамова, Владимир Юрков, Татарстан яңалыклары.
