Якын арада Алабугада мәдәни үсеш үзәге төзелеше тәмамлана. Учреждение заманча җиһазлар, экраннар, музыка уен кораллары белән җиһазландырыла. Бина 4 нче микрорайонда урнашкан. Аны финанслауның гомуми күләме 218 миллион сум.
Бина төзелешендә төшке ашка да туктап тормыйлар. Эшләр 80 процентка башкарылган инде. Бинаның өчендә буяу-бизәү, обой ябыштыру эшләре генә калып бара. Бер үк вакытта бүлмәләргә яңа җиһазлар кайтарыла башлаган.
Тагын бер айдан бу күп функцияле заманча бина була. Концерт залы, кафе, аш-су бүлмәсе, спорт залы, иркен класслар, душ бүлмәләренә кадәр бар. Иҗат белән шөгыльләнү мөмкинлеге була. Бинада эстетик, сәнгать һәм музыка юнәлешләре булган сәнгать мәктәбе урнаша. Үзәк заманча җиһазлар, экраннар, музыка кораллары белән җиһазландырыла. Ул мәдәни җәмәгатьчелек игътибарын үзенә җәлеп итәргә тиеш.
Бина төзелеше «Мәдәният» илкүләми проекты буенча узган елның апрель уртасында башланган иде. 218 миллион сумга төшкән. Яңа үзәк инде бер айдан ишекләрен ачар дип планлаштырыла. Ә ел ахырына кадәр Татарстанда тагын берничә мәдәният объекты төзелә яки ремонтлана.
Ралина Абрамова, Максим Бигашев, Алексей Касыймов, Татарстан яңалыклары.
