Россия Федерациясе Иминлек Советы Секретаре Николай Патрушев, Россия Федерациясе Президентының Идел буе федераль округындагы Тулы вәкаләтле вәкиле Игорь Комаров һәм Татарстан Президенты Рөстәм Миңнеханов Тәтеш районында булдылар.
Тәтеш кадетлар мәктәбен карадылар. 2003 нче елда ачылган уку йортында 130 укучы белем ала. Биредә белем алу өчен уңайлы шартлар тудырылган.
Кунаклар Тәтештә Казан вертолет төзү заводының филиалы эшчәнлеге белән таныштылар. Ул барлык модификациядәге очкычларга комплектлаучы детальләр җитештерә, соңгы елларда предприятиенең күәте дүрт тапкырга арткан. Цехны заманчалаштыру дәвам итә.
Кунаклар Бакырчы авылындагы социаль –көнкүреш обьектларын карап, югары бәя бирделәр. 200дән артык кеше яшәгән торак пунктында яңа фельдшер-акушерлык пункты, заманча мәдәният йорты, фитнес үзәге башка социаль объектлар төзелгән.
