Росстат Бөтенроссия халык санын алуның башлангыч саннарын белдерде. Татарстанда дүрт миллионнан артык кеше яши. Шуларның 3 миллионнан артыгы — шәһәрләрдә, тагын 931 меңе-авылларда теркәлгән. Илдә урбанизация процессы дәвам итә — шәһәр халкы — 75 процент булса, авылларда 25 процент кеше яши. Миллионлы шәһәрләр исемлегендә — 16 шәһәр, шул исәптән Казан да бар. 2010 ел белән чагыштырганда, Татарстанда халык саны 5,8 процентка арткан. Тулаем алганда, Татарстан төбәкләр арасында халык саны буенча сигезенче урында тора. Узган халык санын алу мәгълүматларына караганда, Россия халкы барлыгы 147 миллионга җиткән. Исәпкә алуның ахыргы нәтиҗәләрен быелның декабрендә игълан итәргә җыеналар.
