Күрше төбәкнең меңләгән кунаклары татар мәдәнияте белән танышты. Татарстаннан Дәүләт җыр һәм бию ансамбле чыгыш ясады. Безнең башкаручылар тамашачыларны нәрсәләр белән шаккатырды. Киләсе репортажда.
Дәртле биюләр, моңлы -шаян җырлар, нечкә юмор, башкару осталыгы, милли уеннар, тапкырлык. Шулай ук сабантуй фестивале ярышларында иң яхшы сыйфатларны һәм җитезлекне күрсәтергә кирәк. Сабантуй-ул халык мәдәниятен, аның күпкырлы иҗатын, гасырлык традицияләрен аңлау һәм ярату өчен уникаль мөмкинлек.
Ә бу Сабантуй гына түгел, ә Россиядәге Сабантуйлар фестиваленә әйләнде. Быел беренче өлкә Сабантуйлары Әстерханның Три Протока һәм Волгоградның Кече Чапура авылларында узды. Дистәләрчә мәйданчыкта өлкәннәр өчен дә, балалар өчен дә кызыклар күп иде.
Милли көрәш, ат узышлары- спорт манежы булган татар җирлеге тамашачыларның игътибарын аеруча җәлеп итте.
Татарстанның Дәүләт җыр һәм бию ансамбле бәйрәмнәрнең бизәге булды. Гастрольләр вакытында артистлар Әстерхан, Волгоград, Самара сабантуйларында катнашты. Чыгышларны Идел буе Болгар дәүләтендә Ислам динен кабул итүгә 1100 ел тулуга багышлады.
Программа татар мирасы үрнәкләрен сәхнәдә тарихи сәхифәләр белән берләштерде. «Туй» музыкаль — хореографик спектакле алкышларга күмелде.
Ә Татарстанлылар яраткан артистларның чыгышларын елның икенче яртысында-гастрольләрдән кайтканнан соң күрә ала.
Инна Данилова, Татарстан яңалыклары.
