Биш көн дәвамында Кәрим Тинчурин сәхнәсендә композитор Элмир Низамовның “Кара пулат” операсы куелды. 7 елдан соң музыкаль әсәр сәхнәгә кайтты һәм ул ислам динен кабул итүнең 1100 еллыгына багышлана.
“Кара пулат” операсы Татарстанның мәдәни тормышында зур вакыйга гына булып калмыйча, ислам динен кабул итүгә багышланган чараларга килгән чит ил кунакларына татар тарихы, музыкасы, әдәбияты белән танышуга мөмкинлек тудыра. Легендар шагыйребез Ренат Харис иҗат иткән «Кара Пулат» операсының яңартылып куюлуы театрыбыз, шәһәребез һәм Республикабыз өчен күптән көтелгән вакыйга. Мондый әсәрләребезнең яшәве, сәхнә репертуарларыннан төшмәве бүгенге көн шартларында халкыбызның рухи үсеше өчен бик әһәмиятле мәсьәләләренең берсе.
