Бер үк платформада онлайн-режимда. Татарстанда республика радио һәм телеканаллары өчен цифрлы мәйданчык эшли башлады. Яңа сервисны Журналистлар берлегендә тәкъдим иттеләр. Хәзер кулланучылар турыдан-туры эфирларны карый ала, тапшырулар архивлары да ачык була. Тулырак киләсе сюжетта.
Смартфон экранына бер тапкыр басуга, телефонда төбәкнең мөһим яңалыклары чыга. Яңа, мобиль кушымтада республика телеканаллары һәм радиостанцияләре тәкъдим ителгән.
Моның өстенлеге күп. Һәр телеканалга керү өчен, чит сервисларны эзләп табарга, яки канал яки радиостанция сайтына керергә кирәк. Бүген исә безнең барлык төп теле-радиоканалларны бер платформага берләштерү мөмкинлеге бар.
Бердәм, цифрлы платформа булдыру-Татарстан Журналистлар берлеге инициативасы. Кушымтаның функцияләре күптөрле. Онлайн-платформада -турыдан-туры эфирлар, архив тапшырулары, төбәк яңалыклары.
Безнең өчен бу бик мөһим, әһәмиятле вакыйга. Барлык каналларга да тигез мөнәсәбәт барлыкка килде. Шәхси,, дәүләт каналларына да бер үк төрле караш. Без моны Журналистлар берлеге ярдәме белән эшләдек.
Мобиль кушымта бушлай, барлык системаларда аңлаешлы. Аны смарт телевизорларда да кулланырга мөмкин.
Фирүзә Насыйрова, Дамир Мөхәммәтханов, Татарстан яңалыклары.
