Идел буе Болгар дәүләтендә ислам дине кабул ителүнең 1100-еллыгын бәйрәм итүнең беренчесе чарасына старт бирелде. Казанда Халыкара Изге Коръән уку конкурсы башланды.
Конкурсны уздыруда Яшьләр дипломатиясе академиясе, “Сәләт” Татарстан Республикасы яшьләр иҗтимагый фонды, Татарстан мөфтияте һәм РФ Мөселман эшмәкәрләре ассоциациясе катнаша. Ә төп оештыручылар – Татарстан Республикасы Хөкүмәте һәм Ислам хезмәттәшлеге оешмасының яшьләр форумы.
Конкурс Бөтен дөньядан Коръән укучыларны берләштерде. 25 илдән 50дән артык катнашучы яттан илаһи сүзләрне әйтү осталыгында көч сынаша. Корьән укучылара бәя бирүчеләр рәисе — Берләшкән Гарәп Әмирлекләре дәүләт башлыгының Коръән буенча комитет җитәкчесе, шәех Мәэмүн. Шулай ук жюри әгъзалары арасында Татарстан Республикасы мөфтие Камил хәзрәт Сәмигуллин да бар.
Бәйге нәтиҗәләре буенча ир-атлар арасыннан – 3 һәм хатын-кызлардан 3 иң яхшы Коръән укучыны сайлап алына. Бәйрәм тантанасы «Россия – Ислам дөньясы: KazanSummit 2022»ХІІІ халыкара икътисадый саммиты кысаларында уза.
Мөршидә Җиһан, Диана Дасаева, Таһир Хәсәнов.Татарстан яңалыклары.
