Казан федераль университетының Филология һәм мәдәниятара багланышлар институты Татарстан Республикасы “Татмедиа” акционерлык җәмгыяте белән берлектә 2020-2021 уку елыннан “Филология. Татар теле һәм әдәбияты, журналистика» профиле буенча белгечләр әзерли. Әлеге юнәлеш буенча белгечләр әзерләүнең бүгенге торышы һәм алда торган бурычлар турында сөйләшү өчен, Татарстна Республикасы дәүләт Советы рәисе урынбасары, Татарстан Республикасы Президенты каршындагы татар телен саклау һәм үстерү мәсъәләләре комиссиясе рәисе Марат Әхмәтов җитәкчелегендә киңәшмә оештырылды.
Шунысы үзенчәлекле мондый программаның бүгенге көндә Россиядә әле тиңе юк. Студентларны тулысынча Республика заказы буенча кабул итәләр. Әлбәттә шарты бар. Укуны тәмамалагннан соң алар биш ел дәвамында Республиканың һәм Россиянең башка төбәкләрендә мәгариф системасында эшләргә тиеш. Моннан тыш Институтта Федераль бюджеттан шактый гына күләмдә белгечләр эзерләнә. Инде ичкенче ел рәттән Филология һәм мәдәниятара багланышлар институты “Татмедиа” агентлыгы белән берлектә татар матбугатында, татар басмаларында эшләү өчен журналистлар эзерли. Уку планын да бергә эшлиләр. Һәм әлеге программада төп фәннәрне уку укыту өчен “Татмедиа” хезмәткәрләре һәм аның җитәкчелеге алып бара.
Бу проектта студентлар башка юл белән киткән. Электрон карта булдырып аерым урамнарны алып элмә такталарны анализлыйлар, лингвистик яктан өйрәнәләр һәм ялгышларына да игътибар итәләр. Киләчәктә шундый виртуаль база булыр дип көтелә. Шулай ук “Ашыгыч лингвистик ярдәм” дип исемләнгән проект эшләп килә. Кемгә дә булса кыска гына текстны рус теленнән, инглиз теленнән татар теленә тиз арада тәрҗемә итергә кирәк булса шушы проекттагы студентларга мөрәҗәгать итә алалар.
Шулай ук Федераль институтының Татарстан китап нәшрияты белән берлектә уртак лабораториясе эшләп килә. Биредә укучы студентлар тарафыннан әзерләнеп 30дан артык итеп бастырылган. Киләчәктә үзебезгә лаеклы алмаш үсеп килә ди Татарстан китап нәшрияты генераль директоры Илдар Сәгъдәтшин.
Утырышта Татар матбугаты өчен, медиасферасы өчен белгечләр әзерләү турныда сөйләшү алып барылды. Бу программаларда белем алучы студентларның әзерлеге, аларның теләге, мөмкинлекләре турында сөйләштеләр. Кызыксынулары бик зур, әлеге һөнәрне тиешле дәрәҗәдә үзләштерерләр һәм Республиканың шушы бик мөһим өлкәсенә үз өлешен кертүрләрендә шигебез юк ди укытучылары.
Алия Галиуллина, Таһир Хәсәнов, Татарстан яңалыклары.
