Сугыш толларының, сугыш афәтен үз җилкәләрендә ташыган сугыш ветераннарының догалары көн саен яңгырый. Һәр намаз артыннан кылган догалары кабул булып, киләчәк буыннар да тынычлыкта яшәсеннәр иде. Аларның арасында да Таисия Павловна. Бөек Ватан сугыш ветеранның тормыш юлы турында хәбәрчебез Искәндәр Гыймалтдинов язмасында.
1943 елда Германия сугышта реванш алырга әзерләнә. Германия Совет гаскәрләрендәге Т-34 һәм КВ танкларыннан калышмаган яңа “Тигр” һәм “Пантера” танкларының Орел һәм Курск тирәсендә Кызыл Армия фронтын өйзә алуга өметләнә, аларның яңадан Мәскәү юнәлешендә һөҗүм ясауга булышлыгына исәп тота. Совет командованиесенә үзенә каршы әзерләнүче һөҗүм планнары билгеле була. Бу вакытта Таисия Павловнага 19 яшь тула.
Үз теләге белән сугышка китеп, ирләр белән бер сафта торган, Смоленск, Варшава, Луков, Рембертув, Модлин, Ирага өчен барган көрәшләрдә катнашкан, батыр йөрәкле, Ватанны, туган җирен чын күңелдән ярата белгән – Таисия Павловна тугызынчы май алдыннан сугышта булган вакыйгаларны искә ала, тик хәзер дә күзләре яшьләнә.
1944 елның 17 июнендә совет гаскәрләре Польша чиген узалар. Таисия апа әнисеннән хат ала. 1926 елда туган энесен — Дьячков Вячеславны дә сугышка алганнар. Әнисе ике кечкенә кызы белән калуын, авылда хәлләрнең бик авыр булуын әйтә. 1944 елның июль ахырына Варшавага килеп җитсәләр дә, совет командованиесе һөҗүмгә күчми. 1 августта Варшавада оккупантларга каршы восстание күтәрелә. Ләкин ниндидер тышкы сәбәпләр аркасында баш күтәрүчеләргә Кызыл Армия ярдәм итми. Ниһаять, 1945 елның 17 гыйнваренда Варшаваны азат итәләр. Таисия Павловна Варшаваны азат итүдә катнашкан өчен “За освобождение Варшавы” медале белән бүләкләнә. Кызлар отделениесе бик күп хәрби объектларны дошман һөҗүменнән саклап кала. Луков, Рембертув, Модлин, Ирага шәһәрләрен фашистлардан азат итүдә катнаша.
Бүгенге көндә ветеран туганнары белән яши. Оныкларын караша. Үз аякларында йөри алганга сөенә. Киләчәктә шундый үк куркыныч сугыншлар булмас дим ышана.
Искәндәр Гыймалтдинов, Алексей Куликов.
