Быелгы туристлык сезоны рәсми рәвештә башланды. Татарстанда яшәүчеләр быелгы җәйдә кайларга барып ял итә ала? Республиканың үзендә нинди туристик маршрутлар бар? Болар турында киләсе язмада.
Быел җәй республика халкын Татарстанның матурлыгын һәм истәлекле урыннарын өйрәнергә чакыралар. Яңа туристик сезонда күп санлы кунакларны шаккатырырлык яңалыклар бар. Туристлык сезоны башланды инде. Беренче төркемнәр Мәскәү белән Санкт-Петербургка очты. Бу шәһәрләрдән Казанга да туристлар килә. Республика кунакларына Казан Кремле, Зөя шәһәр-утравы, Раифа, Болгар, Чистай һәм Алабуга буенча экскурсия программалары билгеләнгән. Татарстанда берничә көнгә исәпләнгән «Ял көннәрендә мең дә бер ләззәт»программасы да кызыклы гына. Идел елгасы буйлап сәяхәт итү дә туристларга Татарстан турында күп кенә тарихи мәгълүматлар белән танышу мөмкинлеген бирә.
СНХ Сергей Иванов Татарстан Республикасының туризм буенча Дәүләт комитеты рәисе
Елдан-ел круизлар арта бара, аларның маршрутлары бары тик Татарстан территориясе аша гына уза, ягъни бүгенге көндә республика халкына безнең төп туристик үзәкләребез бар. Һәр торак пунктта кызыклы, мавыктыргыч экскурсия программалары тәкъдим ителә.
Июньдә Болгардагы автотуризм фестивале, үз автомобильләрендә сәяхәт итәргә яратучыларны җәлеп итәр. Ә августта Алабугада Бөтенроссия Спас ярминкәсе һәм Кыңгырау чыңы фестивале зур вакыйга булыр дип көтелә. Август аенда дистәләгән мең россияле урта гасырлар сугышы тарихына багышланган «Бөек Болгар» фестиваленә җыела. Тимер юл маршрутлары буйлап сәяхәт итәргә яратучыларга да кызыклы тәкъдимнәр байтак. Шуларның иң популяры-Зөя станциясенә кадәр һәм аннан автобуста утрауга кадәр сәфәр кылу. Тагын бер маршрут бөек татар шагыйре Габдулла Тукайның туган ягына алып бара. Велосипедта һәм ретро турлар да оештырыла. Татарстанда кемпинглар, глейпинглар, модульле эко-кунакханәләр, шәһәр читендәге клублар, күңел ачу базалары да күп. «Хәләл» концепциясе бар.
СНХ Оксана Саргина табигать территорияләрен, экотуризмны үстерү дирекциясе департаменты җитәкчесе
Табигатьтә ял иткәндә физик активлыкка зур игътибар бирелә. Аңа экологик, урман терапеясе программалары кертелгән, мунча комплекслары да уңышлы гына файдаланыла.
Быел җәй республиканың төрле районнарында тагын алты шундый объект ачыла.
СНХ Сергей Иванов Татарстан Республикасының туризм буенча Дәүләт комитеты рәисе
Ерак төбәкләргә турист буларак барып торырга, ерак араларга очарга да кирәкми. Нең үзебездә дә хәзер бик күп кызыклы урыннар бар. Ял көннәрендә — майдан башлап сентябрьгә кадәр җылы сезонда үзенә яңа маршрут табарга мөмкин. Заманча хезмәт күрсәтелә,махсус программа, тәмле милли ашамлыклар тәкъдим ителә.
Татарстанда җәйге ял уңайлы, кызыклы, онытылмас булырга охшаган.
Инна Данилова, Татарстан яңалыклары.
