Аллергия белән чирләүчеләргә авыр көннәр башланды. Кайсылары күз яше агудан, икенчеләре төчкерүдән интегә. Казанда һәр бишенче кешенең аллергиягә бирешүе ачыкланган. Иммунологлар аларга нәрсәләр киңәш итә?
Бу ампулалар күздән яшь чыгарырга, төчкертергә, йөткертергә мөмкин. Пробиркаларда-Татарстанда яшәүчеләрнең иң киң таралган аллергеннары. Үсемлекләрнең бөреләнүе,чәчәк атуы кешеләргә төрлечә тәэсир итә.
Каен-язның төп аллергены. Табиблар әйтүенчә, бу «агач» поллинозның иң кискен чоры. Чәчәк аткан вакытта җил белән аллергеннар һавага тарала.
Татарстанда агачлар апрель ахырында чәчәк ата башлый. Ул якынча 20 көн дәвам итә. Тиздән зирек, чикләвек, имән агачлары активлаша.
Бер сервис мәгълүматлары буенча, Татарстан хәзер тузан концентрациясе буенча сары зонада тора. Һава торышын телефон аша да күзәтергә мөмкин.
Интернет кушымталарында кулланучылар агачларның чәчәк ату урыннарын да күрсәткәннәр. Аларны урап узарга киңәш итәләр. Табиблар аллергиянең иң кызган чагы-май башында булыр, диләр. Табибларга ярдәм сорап, көнгә 100гә якын кеше мөрәҗәгать итә инде.
Фирүзә Насыйрова, Ленар Хәбибуллин, Татарстан яңалыклары.
