Елга биш миллион кеше-Татарстан башкаласы өчен яңа туристик юнәлеш. Шәһәр хакимияте үз алдына шундый бурыч куйды. Казан Россиянең төрле почмакларыннан килгән кунакларны күбрәк җәлеп итә. Гади туристлар арасында «Россия лидерлары», ягъни шул исемдәге конкурсның финалистлары да бар.
Экскурсия Кремльгә керү юлындагы Спас манарасыннан башлана, әлегә анда реставрация бара. Экскурсия бик мавыктыргыч. Берәүләр һәйкәлне карый, икенчеләре ак ташлы Кремль буйлап йөри. Тарихи һәйкәлләр туристларны җәлеп итә.
Руслан Петрушихинга Санкт-Петербургтан Казанга килү кызыклы сәяхәт. «Россия – мөмкинлекләр иле» флагман платформасының төрле проектларында катнашучылар өчен туристик программа нәкъ шулай атала. Узган көзен Руслан яшьләрнең «Россия лидерлары» конкурсы финалисты булды.
Руслан Санкт-Петербургта яшьләр белән эшләүдә яңа алымнар кертә: лекцияләр, мастер-класслар, белем бирү программалары, танылган кешеләр белән очрашулар проектлары гамәлдә. Хәзер аның белән гади генә сөйләшкәндә дә, лидерлык сыйфатлары сизелеп тора. Ялда да аңа эшкә чуму файдага гына.
Казанда төньяк башкаладан тулы бер делегация килде. Шул ук вакытта, Татарстан башкаласы – Россиянең төрле шәһәрләреннән туристларны күбрәк җәлеп итә. Узган ел алар 3 миллион булган. Киләчәктә кунакчыл Казанга 5 миллион кешене чакырырга ниятлиләр.
Вадим Струминский, Александр Решеткин, Татарстан яңалыклар.
