Татарстанда «Кызыл канәфер» Бөтенроссия хәйрия акциясе башланды. Җиңү волонтерлары үзәк урамнарга чыкты — Бөек Ватан сугышы ветераннарына ярдәм итү максатында истәлек билгеләре тараттылар. Казанда акция Бауман урамында старт алды.
“Кызыл канәфер” акциясе ветераннарга ярдәм итүнең күркәм традициясенә әйләнде. Россиядә ветераннар язмышына битараф булмаган меңләгән кеше булыша.
Акция бишенче ел үткәрелә. Һәр тартмада-ике йөздән артык «Кызыл канәфер»значогы. Соңгы елларда алар Җиңү һәм тынычлык символларының берсе булды. Аларны волонтерлардан республика паркларында һәм скверларында гына түгел, зур кибетләр һәм маркетейслар аша да сатып алырга мөмкин. Җыелган акчалар дарулар, заманча протезлар һәм ишетү аппаратлары, ветераннар өчен кыйммәтле электр коляскалары сатып алуга, шулай ук аларны дәвалауга һәм тернәкләндерүгә тотыла.
Биш ел эчендә Татарстанда сугыш ветераннарына 13 миллион ярым сумлык ярдәм күрсәтелгән. Акция 22 июньгә кадәр дәвам итә.
Ралина Абрамова, Дамир Мөхәммәтханов. Татарстан яңалыклары.
