Бөек Тукаебыз татар шигърияте күгендә янган йолдызларның иң яктысы. Ул калдырган иҗат мирасы безнең горурлыгыбыз. Аның исеме, поэзиясе, бөтен рухы-татар культурасының үткәне, бүгенгесе һәм киләчәге белән бәйле. Тукай шәхесенең, ул иҗат иткән байлыкның әһәмияте еллар үткән саен арта гына бара. 2022 елгы Габдулла Тукай исемендәге дәүләт бүләгенә кандидатлар исемлеге билгеле. Комиссиягә 25 гариза килгән. Шулардан 19 кандидат премиягә дәгъва итә. Тулырак Фәннур Хәсәнов видеоязмасында.
Габдулла Тукай исемендәге Татарстан Республикасы Дәүләт премияләре буенча комиссия карары буенча, быелгы 2022 елда әлеге премиягә тәкъдим ителүчеләр исемлегендә 19 кандидат бар. Әлмәт театрының «Кибет» спектакле -Мәдинә Гайнуллина, Диләрә Ибәтуллина, Олжас Жанайдаров, Эдуард Шахов- шулай ук кандидатлар исемлегеннән.
Лауреатлар Габдулла Тукай туган көндә- 26 апрель көнне билгеле була. Татарстан Республикасында иң мәртәбәле, иң дәрәҗәле Габдулла Тукай исемендәге дәүләт премиясе безне барыбызны да дулкынландыра, беребезне дә битараф калдырмый. Быелгы кандидатларыбыз да үзләренең эшләре, үзләренең иҗатлары белән сокландыра. Аларның барысына да уңышлар телибез.
Фәннур Хәсәнов, Таһир Хәсәнов Татарстан яңалыклары.
