Казанда электромобильләр өчен яңа заправка станцияләре ачыла. Ел саен мондый автомобильләр саны арта бара. Техниканы кору җайланмаларын Татарстанда җитештерәләр. Көнбатыш санкцияләре аларга бернинди йогынты ясамаган, киресенчә, нәтиҗәлерәк эшләү өчен мөмкинлекләр ачылган.
Менә шундый махсус корылма җайланмаларын Яшел Үзәндә җитештерәләр. Ә Казанда корылма станцияләре эшли. Аларда 30-40 минут эчендә электромобильләрне энергия белән тәэмин итәләр. Бу станция әле яңарак кына эшли башлаган.
Әлеге электр зкорылмасында иң кыйммәтле элемент -аның идарә итү үзәге. Программа завод белгечләре тарафыннан тәэмин ителгән. Ул электр корылмасына дистанцион рәвештә тәүлек әйләнәсенә хезмәт күрсәтергә мөмкинлек бирә. Ә менә комплектның кайбер өлешләрен чит илләрдән кайтаралар.
Хәзер Татарстанда йөзгә якын электр корылмасы станциясе эшли. Шәхси станцияләр дә очрый. Бу якынча 150 мең сумга төшә. Алар һәркем йөри ала торган парковкаларда, сәүдә үзәкләре, автозаправка станцияләре янында, торак комплексларда урнашкан. Зур трассаларда ашыгыч корылма станцияләре урнашкан.
Ихтыяҗ арта — узган ел завод 30 корылмаа станциясе куйса, быеле 50 станция эшли башлаган. Аларны Россиянең төрле төбәкләренә алып киләләр. Торак комплекслары парковкаларында урнаштыру чаралары күрелә. Экспертлар фикеренчә, илебездә электромобильләрнең популярлыгы якындагы берничә елда күп тапкырга артачак.
Эльвира Фәйзуллина, Владимир Юрков, Татарстан яңалыклары.
