Украинадан Татарстанга эвакуацияләнгән кешеләр өчен Васильево шифаханәсендә ярминкәләр вакансиясе узды. Сәламәтләндерү үзәге базасында вакытлыча урнашу пункты ачылды. Эш бирүчеләр арасында — районның зур предприятиеләре. Мариупольдән килүчеләргә кайда, нинди эш урыннарын тәкъдим иттеләр? Хәбәрчебез белеште.
Ул әйберләр җыюдан битәр, үзенең йөрәгенә иң якын җан иясен – 12 яшьлек этен коткарган. Илына Захаровна ире һәм эте белән Мариоупольдән Татарстанга эвакуацияләнгән.
Хәзер ирен Яшел Үзән табиблары хастаханәдә дәвалый. Илына Нараевская акрынлап элекке хәленә килә. Һөнәре буенча хисапчы, әмма теләсә кайсы эшкә чыгарга әзер. Ярминкәләр вакансиясенә килгән.
Иң күп вакансияләрне суыту җиһазлары җитештерү заводы тәкъдим итте. Тормоз системасы өчен детальләр әзерләү предприятиесе контролерлар, слесарьлар, йөк төяүчеләр эзли.
Уртача алганда, вакансияләр буенча хезмәт хакы 25 мең сумнан башлана. Квалификация югарырак булган саен, сумма күбрәк.
Үз эшләрен ачарга теләүчеләр дә бар. Валентина Мариуполда маникюр студиясен ачарга теләгән . Планнарын Татарстанда гамәлгә ашырырга җыена.
Хәзер Васильевода Донбасстан йөз кеше яши. Һәр гаиләгә уңайлы номерлар бирелде. Аерым санузел, телевизор, суыткыч белән. Волонтерлар әйберләр белән дә булыша.
Яшь гвардия активистлары Лаеш районында урнашкан «Санта» шифаханәсендә дә булдылар. Эвакуацияләнгән гражданнарга кием-салым, беренче чираттагы кирәк-яраклар тапшырдылар. Ә нәниләргә балалар бүлмәләре оештырырга ниятлиләр.
Фирүзә Насыйрова, Ленар Хәбибуллин, Яшел Үзән һәм Лаеш районнары.
