Татарстанда «Графика дөньясында» проекты старт алды. «Графика дөньясында» — мәдәният һәм сәнгать өлкәсендә белем бирү һәм остазлык проекты. Ул яшь буынга традицион рухи-әхлакый кыйммәтләрне җиткерүгә юнәлтелгән. Әлеге проект кысаларында «Графика» укыту-методик китап нәшер ителде.
Казанның Милли китапханәсендә әлеге китапны тәкъдир итү чарасы узды. «Графика дөньясында» проекты аша теләгән кеше рәсем күнекмәләре белән таныша ала. Проектның онлайн һәм офлайн программалары аша сәнгать мәктәбе булмаган торак пунктларында яшәүчеләргә дә рәсем ясау нигезләрен өйрәнә ала.
Әлеге китап балаларга график техникаларны мөстәкыйль үзләштерүдә ярдәм итә. 280 биттән торган китап төрле график техникалар буенча биш бүлектән тора.
Китапнын авторлары Н. Фешин исемендәге Казан сынлы сәнгать училище директоры Ольга Гыйльметдинова һәм Розалина Мусабирова.
Проект Казан сынлы сәнгать училищесы, Мәдәниятне үстерү ресурс үзәге ярдәме белән тормышка ашырыла.
Басманың үзенчәлеге шунда, китапта Казанның сынлы сәнгать студентларының эшләре бирелгән, һәр укучыга үз көченә ышанырга, һәр темадан соң иҗади биремнәрне башкарып, материалны ныгыту өчен сорауларга җавап биреп, иҗади үсәргә мөмкинлек бирә.
Теләүчеләр «Графика дөньясында» проектында катнашу өчен
2021_intheworldofgraphics@mail.ru
экранда күрсәтелгән электрон адрес аша осталык дәресләренә теркәлә ала.
Ләлә Зәйнуллина, Ренат Сәхибгәрәев. Татарстан яңалыклары.
