Казаннан азык-төлек, беренчел кирәк-яраклар, кием-салым төялгән йөк машиналары ерак юлга кузгалды. 140 тонна гуманитар ярдәм Донецк һәм Луганск халык республикаларында яшәүчеләргә таратылачак.
Донбасска җибәрү өчен фура килеп җитүгә, автотөягечләр эшкә керешә. Барысы да Донецк һәм Луганск халык республикаларында яшәүчеләргә бик кирәкле һәм вакытлы.
Эш оператив рәвештә, төгәл әзерләнгән схема буенча бара. Бер үк вакытта берничә фура машинасына йөк төялә. Һәр машинага барлык төр товар тигез итеп бүленә.
Гуманитар ярдәмнең төп тәэмин итүчеләре-республика предприятиеләре, оешмалары, аерым эшмәкәрләр, иҗтимагый оешмалар.
Бу юлы Казаннан гумнаитар йөк төялгән алты машина китте. Берниичә көннән йөкне Донбасста каршы алачаклар.
Инна Данилова, Владимир Юрков, Татарстан яңалыклары.
