Нәүрүз бәйрәме башкаладан тыш район үзәкләрендә дә гөрләде. Теләчеләр ике чараны берләштереп “Язучылар көне”н дә уздырдырырга булган. Айдар авылында узган икеләтә бәйрәмнән Динә Нәҗметдинова репортажы.
За кадром : Бәйрәмене үзенең дәртле, йөрәккә үтеп керә торган җырлары белән якташлары Татарстанның халык артисты Рәсим Низамов башлап җибәрде. Бәйрәм төрле кызыклы уеннар белән үрелеп барды. Җирлек халкын бәйрәм белән тәбрик итәргә район җитәкчелеге вәкилләре дә килде. Тамашаны алып баручы Әнәс Хаҗиев тюбингка утыртып, билгеле бер араны узу ярышында яшьләрне генә түгел, өлкән яшьтәге әбиләрне дә йөгертте. Арканны ир-атлар гына түгел, хатын-кызлар да тартты. Әлеге ярышта Казаннан килгән артистлар командасына тиңнәр табылмады. . Чара барышында Җирле газетага язылучылар арасында лотерея уены да узды. Ә әтәче Тәслимә Галәвиевага чыкты. “Яшь тавыклар алган идем, бик яхшы булды”, — дип куануын яшермәде ул.
Чара барышында “Татмедиа” акционерлык җәмгыяте язучылар арасында оештырган бәйгедә җиңү яулаган Субаш авылыннан Мария Кузнецовага “Теләчеинформ” мәгълүмат үзәге директоры Ленар Хузин иттарткыч тапшырды. Чарада катнашучыларны ул бәйрәм белән котлап, җирлек башлыгы Рифат Хаҗиевка хезмәттәшлек иткәне өчен Рәхмәт хаты тапшырып, авыл халкын район газетасы белән дус булырга чакырды. Җирлек башлыгы исә үз чиратында якташларын күңелле итеп бәйрәм итәргә, күңел ачарга чакырды. Бәйрәмдә табадан төшкән кызыклы китаплар да алырга мөмкин иде.
Субаш авылыннан килгән “Нардуган” халык ансамблье чыгышы язны якынайтты кебек.. Айдарның биюче кызлары да кимен куймады. “Нива” машинасын вакытка тартуга үзләрен сынап караучылар аз булмады. Җиңүчегә Алмаз Гайнетдинов җитәкләгән “Автогазсервис- Т” оешмасыннан бүләккә бензин иде. Әлеге ярышта Наил абый Фаттахов барысын да уздырды.
Бәйрәмне оештыруга җирле эшмәкәрләргә авыл халкы бик рәхмәтле.
Динә Нәҗметдинова,Эльмира Котдусова.Татарстан яңалыклары.
